Мемлекет басшысы Қасым-Жомарт Тоқаев 2025 жылы 2 маусымда Қазақстан мен Қырғызстан арасындағы инвестицияларды көтермелеу туралы келісімді ратификациялады, – деп хабарлайды Aikyn.kz Ақордаға сілтеме жасап.
«Мемлекет басшысы «Қазақстан Республикасының Үкіметі мен Қырғыз Республикасының Министрлер Кабинеті арасындағы инвестицияларды көтермелеу және өзара қорғау туралы келісімді ратификациялау туралы» Қазақстан Республикасының Заңына қол қойды, – делінген Ақорда хабарламасында.
Заң екі ел арасындағы экономикалық ынтымақтастықты нығайту үшін жасалатын қолайлы тәртіп пен шарттарды айқындайды. Аталған заңмен бір тараптың екінші тараптың аумағындағы инвестицияларын жүзеге асыру, сондай-ақ екі мемлекеттің аумақтарындағы инвестициялық қызметке байланысты мәселелер реттеледі. Келісім нормаларына сәйкес, кез келген тараптың инвесторлары жүзеге асырған инвестициялар әділ және тең құқылы болады, сондай-ақ екінші тарап мемлекеті аумағында толық қорғалып, қауіпсіздікті сақтау қажет.
Заңның мәтіні баспасөзде жарияланады.
Өзге де жаңалықтарды оқу үшін Telegram арнамызға жазылыңыз!