Семей қаласында ең жауапты жүргізушілерге құрмет көрсетілді. Акцияға 50-ден астам жүргізуші қатысып, олардың 20%-ы соңғы бір жылда ешқандай жол ережесін бұзбағаны анықталды, деп хабарлайды El.kz ақпарат агенттігі.
Жыл басында біздің компания қауіпсіз жүргізушілерді марапаттау бастамасын көтерді. Кейін серіктес ретінде «Freedom Insurance» сақтандыру компаниясы қолдау білдіріп, жауапты жүргізушілерге бір жылдық КАСКО сақтандыруын табыстауға мүмкіндік туды. Басты мақсат – азаматтарды жолда тәртіп сақтауға тек айыппұлмен емес, осындай жағымды мотивациямен ынталандыру. Бұған дейін біз КАСКО сертификаттарын Астана, Алматы және Шымкент қалаларында табыстадық. Келесі кезекте – Атырау мен Тараз, – деді «Sergek Group»-тың Семей қаласындағы филиал директоры Асет Баилев.
Айта кету керек, жүргізушілерді марапаттау тәжірибесі Германия, Сингапур, Канада секілді елдерде де сәтті жүзеге асырылып келеді. Акция ҚР Ішкі істер министрлігі жариялаған «Профилактика жылы» аясында өткізіліп жатыр.
Өзге де жаңалықтарды оқу үшін Telegram арнамызға жазылыңыз!