Қазақтардың бойынан маскүнемдіктен қорғайтын генотип табылды. Бұл туралы Stan.kz ақпарат агенттігі Forbes.kz басылымына сілтеме жасап хабарлайды.
Ерекше ген туралы генетик Гүлнар Святовая мәлімдеді.
Оның айтуынша, спирттік дегидрогеназа ферменті азиялықтарға қарағанда қазақтарда жақсы жұмыс істейді, бірақ еуропалықтарға қарағанда нашар.
Мәселен, Шығыс Азияда бұл полиморфизм 17,4%, Жапонияда – 24%, сондықтан олар тез мас болады.
«Бірақ біз қорғаныш генотипін, яғни қазақтарды маскүнемдіктен сақтайтын генотипті таптық. Бұл генотипті тасымалдаушыларда маскүнемдіктің даму қаупі әлдеқайда төмен. Қазақстандық популяциядағы бұл қорғаныш аллельінің тасымалдаушы жиілігі 1,31%, бұл жиілік африкалықтарда – 0,2%, америкалықтарда – 0,3%», – деді генетик маман.
Қорытындылай келе, Святовая генетиктер алған нәтижелер диагностика мен емдеудің жаңа бағыттарын ұсынуға, сондай-ақ пациенттердің этникалық ерекшеліктерін ескере отырып, тәуекел топтарын қалыптастыруға мүмкіндік беретінін атап өтті.
Өзге де жаңалықтарды оқу үшін Telegram арнамызға жазылыңыз!