Sputnik. Қызылорда облысында күріш жинау науқаны басталды, деп хабарлады су ресурстары және ирригация министрлігі.
Аймақтың Жалағаш ауданындағы «Дала күні – 2025» күріш ору науқанының ашылу рәсіміне ведомство басшысы Нұржан Рұржігітов пен өңір басшысы Нұрлыбек Нәлібаев қатысты.
Жиында ауыл шаруашылығы мен су саласының үздік қызметкерлері марапатталды. Барлығы 35 маман марапатқа ие болды. Сонымен қатар ауыл шаруашылығы жәрмеңкесі ұйымдастырылып, өңір диқандары өз өнімдерін ұсынды.
«Биыл вегетация кезеңі күрделі ауа райы жағдайында өтті. Соған қарамастан, суды әділ әрі тиімді бөлу шараларының нәтижесінде Қызылорда облысындағы күріш алқаптарын сумен қамтамасыз еттік. Дегенмен су үнемдеу технологияларына көшу қажеттілігі әлі де өзекті. Мемлекет заманауи суару жүйелерін жылдам әрі тиімді енгізу үшін барлық қажетті қолдау тетіктерін, соның ішінде субсидияларды ұсынып отыр», – деді Нұржан Нұржігітов.
2025 жылғы вегетация кезеңінде «Қазсушар» РМК Қызылорда филиалы суармалы суды жеткізу бойынша 1042 келісімшарт жасасты. Өңірде суаруға алынған су көлемі – 3,51 млрд текше метр, дейді ведомстводағылар.
Өзге де жаңалықтарды оқу үшін Telegram арнамызға жазылыңыз!