Қызылорда қаласындағы қауіпсіздігі барынша төмен мекемесінен жыл басынан ҚР ҚК-нің 73 бабы 17 сотталғанға қолданылып, сот үкімімен жазаларының өтелмеген бөлігі неғұрлым жеңіл жаза түріне ауыстырылып, түзеу мекемесінен босатылды.
Мекеменің арнайы есепке алу бөлімінің инспекторы әділет аға лейтенанты Мерей Табылғанованың айтуынша, бірінші сотталғанның өзі сотқа өтінішхат жазады. Одан соң тәрбие бөлімі өтінішхат жазған сотталғанның іс-құжаттарын жинақтайды. Яғни, сотталған туралы барлық бөлімнен анықтама жинайды.
Құжаттарын жинау барысында оның атқару парақтарының өнділігендігі туралы, медициналық анықтамасын да қосып, тәрбие бөлімі сотталғанға мінездеме береді.
«Жинақталған құжатты арнайы жасақ бастықтарының кеңесінде қаралап, арнайы есепке алу бөліміне өткізіледі. Сотталғанның құжаттарын арнайы есепке алу мамандары Қызылорда қалалық №2 сотына жолдайды. Егер сотталғанның өтінішхатын сот қанағаттандырған жағдайда түзу мекемесіне босатылады. ҚР ҚК-нің 73-бабы бойынша босатылған азаматтарды пробация қызметі пробациялық бақылауға алып, қадағалайды», – дейді әділет аға лейтенанты М.Табылғанова.
Жаза мерзімі аяқталуға жақын азаматтармен әлеуметтік байланыстарды орнату, кәсіби білім алу, біліктілігін арттыру, жұмыспен қамту, кепілді медициналық көмегін алу, құқықтық көмек, құжаттарын қайта қалпына келтіру бағыттары бойынша түсіндірме жұмыстары жүргізіліп, кеңестер беріледі.
Өзге де жаңалықтарды оқу үшін Telegram арнамызға жазылыңыз!