Фото: Sport Pulse
Бразилияда өтіп жатқан бокстан World Boxing аясында әлем кубогының бірінші кезеңінде Даниял Сапарбай (90 келіден жоғары) қола жүлдегер атанды, – деп хабарлады Қазақпарат.
Қазақстандық боксшы жартылай финалда өзбекстандық Жахонгир Зокировқа 0:5 есебімен жол берді. Осылайша аталған турнирде қола жүлдені қанағат тұтты.
Енді 4 сәуірде жартылай финалда Нұрсұлтан Алтынбек (55 келі), Жазира Орақбаева (51 келі), Ұлжан Сәрсенбек (57 келі), Диас Молжігітов (75 келі) пен Дәулет Төлемісов (85 келі) сайысқа түседі.
Қазірге дейін ел құрамасынан Нұрзат Оңғаров (50 келі), Талғат Сырымбетов (60 келі), Анита Әдішева (54 келі), Алмат Әбдуали (65 келі), Дархан Дүйсебай (70 келі) жарыс жолынан шығып қалды.
World Boxing турнирі үш кезеңнен тұрады. Екінші кезең 30 маусым-7 шілде аралығында Қазақстанда болады. Ал үшінші кезең 21-27 шілде аралығында өтеді. Бірақ оның өтетін орны әзірге белгісіз.
Өзге де жаңалықтарды оқу үшін Telegram арнамызға жазылыңыз!