Тергеу барысы ҚР ІІМ мен Алматы қалалық ПД басшылығының бақылауында.
12 қазан күні Алматыдағы ауруханалардың бірінде адвокат Айман Асанова қайтыс болды. Адвокат Гүлнар Жуаспаева Facebook желісінде келіншек бұрынғы күйеуінің қолынан қаза тапқанын жазған болатын. Алматы қалалық Полиция департаменті осы аса ауыр қылмысты жасады деген күдікпен марқұм әйелдің бұрынғы жолдасы – 1974 жылы туған Н. есімді азаматтың іздестіріліп жатқанын растады, деп хабарлайды Azattyq Ruhy.
«Бұрын хабарланғандай, аталған дерек бойынша қылмыстық іс тіркелді. Арнайы тергеу-жедел тобы құрылды. Тергеу барысы ҚР ІІМ мен Алматы қалалық ПД басшылығының бақылауында»,-деп мәлімдеді Алматы қаласы Полиция департаментінің баспасөз қызметі.
Өзге де жаңалықтарды оқу үшін Telegram арнамызға жазылыңыз!