© AP Photo / Julio Cortez
Sputnik. Америкалық әскери мердігерлерді орналастыруға салынған тыйым алынып тасталса, Вашингтон Украинаға сарбаздарын жіберуге бұрынғыдан да жақындай түседі, деп жазды америкалық миллиардер Дэвид Сакс X әлеуметтік желісінде, деп хабарлады РИА Новости.
«Американдық сарбаздарды Украинаға жіберуге бір қадам жақындаймыз. Бұл Байденнің екінші мерзімге сайлануы кезінде орындалуы мүмкін», – деді ол Ақ үйдің жоспарларына түсініктеме беріп.
Сейсенбіде CNN телеарнасы шенеуніктерге сілтеме жасап, Ақ үй Украинада орналасқан әскери мердігерлерге салынған тыйымды алып тастау үшін жұмыс істеп жатқанын хабарлады. Президент Джо Байден бұл шешімді әлі қабылдамаған, бірақ мақұлданса, оны осы жылдың басында жүзеге асыруға болатыны айтылды.
Телеарнаға сұхбат берген шенеуніктер әскери мердігерлер Украина қарулы күштері пайдаланатын техниканы жөндеу мен техникалық қызмет көрсетуді жылдамдатуға көмектеседі деп үміттенетінін хабарлады.
Еске салайық, Пентагонның баспасөз хатшысы Патрик Райдер күні кеше АҚШ қазір де, болашақта да өз әскерін Украинаға жіберуді жоспарлап отырмағанын мәлімдеді
Өзге де жаңалықтарды оқу үшін Telegram арнамызға жазылыңыз!