Sputnik. Халықаралық валюта қорының (ХВҚ) басшылығы Украинаға төрт жыл мерзімге 8,1 миллиард доллар көлемінде жаңа кредит беру бағдарламасын бекітті.
«Халықаралық валюта қорының Атқарушы кеңесі бүгін 48 айлық кеңейтілген қаржыландыру бағдарламасын (Extended Fund Facility, EFF) мақұлдады. Бағдарламаның көлемі — 5,9 миллиард арнайы қарыз алу құқығы (шамамен 8,1 миллиард АҚШ доллары немесе квотаның 295%-ы)», — делінген ұйымның ресми хабарламасында.
Киев 1,5 миллиард доллар көлеміндегі траншты дереу алады.
Сонымен қатар, ХВҚ бағалауынша, алдағы төрт жылда Украинаның сыртқы қаржыландыруға деген жалпы қажеттілігі 136,5 миллиард долларды құрайды. Бұл қаражат «донорлық қолдау және қарызды қайта құрылымдау операциялары нәтижесінде босатылатын қаражат» есебінен жабылады деп жоспарланып отыр.
2026 жылы 52 миллиард доллар көлеміндегі қаржылық тапшылықты Еуроодақ механизмдері, «Үлкен жетілік» елдерінің жедел табыс алу жүйесі, екіжақты қолдау және Халықаралық валюта қорының көмегімен жақында бекітілген бағдарлама аясындағы төлемдер арқылы өтеу жоспарланып отыр.
Өзге де жаңалықтарды оқу үшін Telegram арнамызға жазылыңыз!