Фото: Sputnik / РИА Новости
Sputnik. АҚШ Қорғаныс министрлігі Украинаға броньдалған техниканы зымырандардан, гранаталардан және броньды тесіп өтетін снарядтардан белсенді қорғаныс жүйелерін жеткізуге жалпы сомасы 61 миллион доллар болатын екі келісімшартқа қол қойды. Бұл туралы департамент мәлімдемесінде жазылған, деп хабарлады РИА Новости.
Пентагон мәлімдемесінде көрсетілгендей, Simulation Technologies және Globe Tech LLC компаниясы АҚШ қорғаныс министрлігімен броньдалған техниканы белсенді қорғауға арналған Iron Fist Protection System A-kits жүйелерді жеткізуге тиісінше 45,3 және 15,7 млн доллар сомасында келісімдер жасады.
Шарттардың әрқайсысының орындалу мерзімі 2026 жылдың 28 ақпаны деп белгіленген. Қаржыландыру Украинаның 2024 қаржы жылындағы қайтарымды қаржыландыруына арналған бюджеттен қарастырылған.
Сондай-ақ көрсетілген бюджеттен Пентагон BAE Systems компаниясымен 2026 жылдың 31 наурызына дейін Украинаға Raise the Bar Cybersecurity жүйесін жеткізуді көздейтін 15,9 млн доллар сомасына келісімшартқа отырды.
Ресей сыртқы істер министрі Сергей Лавров Украинаға арналған қару-жарақ тиелген кез келген жүк Ресей үшін заңды нысанаға айналатынын мәлімдеді. Оның айтуынша, АҚШ пен НАТО қару-жарақ жеткізумен ғана емес, сонымен қатар Ұлыбритания, Германия, Италия және басқа да елдерде кадрларды дайындау арқылы қақтығысқа тікелей араласуда. Кремль Украинаны Батыстан қару-жарақпен қамтамасыз ету келіссөздерге көмектеспейді және кері әсер етеді деп мәлімдеді.
Өзге де жаңалықтарды оқу үшін Telegram арнамызға жазылыңыз!