Қазақстанда халықтың 50 процентінен көбі коронавирусқа қарсы вакцина салдырса, карантин шектеулерін алып тастауға болады.
Бұл туралы Денсаулық сақтау вице-министрі – бас мемлекеттік санитар дәрігер Ерлан Қиясов астанадағы №6 қалалық емханада журналистермен жүздесуде айтты.
«Егер біз елдің иммунитетін 50 процентке дейін көтерсек, бұрынғыдай қалыпты өмірге қайта ораламыз. Сол кезде карантин де, локдаун да болмайды», – деді Ерлан Қиясов.
Бүгін Қазақстанда жаппай вакцинациялау басталды. Алғашқылардың бірі болып Денсаулық сақтау вице-министрі – Бас мемлекеттік санитар дәрігер Ерлан Қиясов пен Денсаулық сақтау вице-министрі Ажар Ғиният вакцина салдырды.
