“Астана” халықаралық қаржы орталығы ба­за­сында тіркелген криптобир­жалар жақын арада банктермен жұмыс істей бастайды. Блок­чейн және дата орталықтар индустриясы қауымдастығы қазақстандықтар үшін цифрлық актив операциясы қолжетімді болады.

Екінші деңгейлі банктердің қайсысы криптовалю­тамен жұмыс істейтіні әзірге белгісіз. Нақты тізім жасалған жоқ. Бұл жоба бастапқыда бір жылға жоспарланып отыр. Алайда нарық қатысушылары енді Қазақстанда криптовалютаға қа­тыс­ты тыйым жойылады деген үмітте. Блокчейн және дата ор­­та­лықтар индустриясы қауымдастығының аға үйлес­тіру­шісі Сергей Путраның сөзінше, бұл Қазақстан үкіметі крипто­валютаны дамытуға қадам жасағанын білдіреді. Мұның себебі әлемдік майнингтің 6-8 пайызының Қазақстанда жасалуы. Бұдан бөлек, қа­зақстандықтар цифрлық активтерді белсенді сатады. Кейбірінің құны тіпті бірнеше миллион доллар.

– Криптовалютадан Қазақстанға салық ретінде ақ­ша тү­седі. Жұмыс орындары пайда болады. Бұл Қазақстан әлі күнге дейін меңгермей жүрген ауқымды индустрия, – деді Сергей Путра.

Криптобиржаға кіру үшін АХҚО-да тіркелген банк­тердің бі­рінде заңды тұлғаның есепшоты болуы тиіс. Ол шоттан ақ­ша аударып, криптовалюта сатып алып, биржада түрлі опе­ра­­цияларды жүзеге асы­руға болады. Инвестор табыс та­ба ала­ды. Банк тран­з­акциялар бойынша делдал қызметін атқа­рады.

 

Өзге де жаңалықтарды оқу үшін Telegram арнамызға жазылыңыз!