Құ­ры­лыс индустриясы – экономиканың негізгі іргетасы. Кез келген елдің экономикалық күш-қуаты мен әлеуметтік тұрақтылығы аталған саланың аяқалысына тікелей байланысты. Тәуелсіздік алғаннан кейінгі жылдары ел басшысының қолдауымен құрылыс саласының дамуына жағдай жасалды. Отандық құрылыс индустриясы кеңге қанат жайып, құрылыс материалдарын шығаратын өндіріс орындары көбейді.

Сала жауаптыларының мәліметін­ше, 2025 жылға дейінгі құрылыс ин­дус­триясын егжей-тегжейлі жүзеге асы­ру бойынша Жол картасына 157 жоба­ны жүзеге асыру жоспарлануда. Индус­трия және инфрақұрылымдық даму министрлігі әкімдіктермен бірле­се отырып, жоспарланған барлық жоба­ларды қисынды қорытындыға жеткізіп қана қоймай, сонымен қатар өңір мен облыстар деңгейінде құрылыс ма­те­риалдарына деген қажеттілікті толық қамтуды қамтамасыз ету маңызды б­о­лып отыр.
Әрине, құрылыс материалдарынан бұрын аталған саланың сан түрлі бағы­тындағы мамандардың білімі мен білік­тілігі алғашқы орында. Шын шебер, бі­лікті маман сайыстарда сыналады. 14 та­мыз – құрылысшылар күні қарсаңында қа­лалық «Qosyl» жастар ресурстық орталығының ұйымдас­тыруымен жас құрылысшылар арасында «тас қалаушылар» байқауы өткізілді. Тартысты сынға жастар санатындағы 16 тас қалаушы қатысып, қазылар шешімі­мен Нұрдәулет Жолмахан жеңімпаз атан­ды. Жеңімпаз Қызылорда қаласы әкімі­нің «Самғау» жастар сыйлығын ием­денді. Сонымен қатар жүлдеге 100 мың теңге көлемінде қаржылай сыйлық та та­бысталды.
«Құрылыс саласының мамандары арасындағы мұндай байқаулар жиі ұйымдастырыла бермейді. Сондықтан жас мамандар үшін осы типтес жоба­лар­дың орны ерекше. Тас қалау­шы болу – қаланың, мемлекеттің экономика­сы­на, болашағына үлес қосумен тең. Се­нің қолыңнан шыққан мектепте мыңдаған бала білім алып шықса, ғимараты бой көтерер уақытта сен тас қалаған ем­ханада қаншама қарт пен науқастар ем алса, үлкен мәртебе. Осындай сәтте ең­бегіңнің ақталғанын, қоғамға да, адамға да пайдалы дүниені жасап жүргеніңді сезінесің. Бұдан артық бақыт жоқ.
Құрылысшылар күніне орай ұйымдас­тырылған байқаудың бір ұғындырғаны да осы. Тек атаулы датада ғана емес, әр күн сайын сала мамандарының еңбегін елеп, қызметін бағалап жүрейік», – дейді Нұрдәулет Жолмахан.
Айта кетейік, өткен жылы мемлекет экономикасында нақты сектордағы ең жоғары өсімді құрылыс саласы көрсетті – 12.5%. Мұндай нәтижеге негізгі капиталға жұмсалатын инвестицияның артқандығы, бірқатар құрылыс жобаларының тұрғын үй саласына берілуі және бұл салаға мемлекет тарапынан қолдау көрсетіліп жатқандығы арқасында қол жеткізілгенін атап өту керек. Баянды болашақтың іргетасын сапасы сын көтеретін, саналы, сауатты ұрпақ өмір сүретін, жайлы, жаңа үйлер мен ғимараттарды салу арқылы қалап жүрген тас қалаушылардың еңбегі тасада қалып кетпесін деген тілек қана бар…


Дина БӨКЕБАЙ

 

Өзге де жаңалықтарды оқу үшін Telegram арнамызға жазылыңыз!