Мамай үш қылмыстық бап бойынша кінәлі деп танылды.
Жанболат Мамайдың 6 жылға шартты түрде бас бостандығы шектелді. Оған қоғамдық-саяси жұмыспен айналысуға тыйым салынды, деп хабарлайды Ulysmedia.kz.
Белсенді Жанболат Мамай үш қылмыстық бап бойынша кінәлі деп танылды.
Оның 6 жылға шартты түрде бас бостандығы шектелді. Оған қоғамдық және саяси жұмыспен айналысуға, қоғамдық ұйымдардың жұмысына араласуға тыйым салынды.
Сондай-ақ одан 800 мың теңгеден астам ақша өндірілді.
Еске сала кетсек, Жанболат Мамайға «Қасақана жалған ақпарат тарату» (274-бап), «Билік өкілін қорлау» (378-бап) және «Жаппай тәртіпсіздіктер ұйымдастыру» (272-бап) бойынша айыптар тағылған еді. Алғашқы екі айыптау 2021 жылғы оқиғаларға, ал үшіншісі 2022 жылғы қаңтардағы оқиғаларға қатысты болып отыр.
Фото:instagram.com/mamayzhanbolat
Өзге де жаңалықтарды оқу үшін Telegram арнамызға жазылыңыз!