Шымкентте түнгі клубқа келушілер арасында төбелес болды. Бұл туралы Stan.kz ақпарат агенттігі хабарлайды.
«Тұран аудандық полиция бөліміне қаладағы түнгі клубтардың біріне келушілер арасында төбелес болғаны туралы хабарлама келіп түсті. Оқиға орнына дереу жедел-тергеу тобы келді. Тәртіп сақшылары ықтимал ауыр зардаптардың алдын алды», – делінген хабарламада.
Белгілі болғандай, жанжалдасушы тараптар полицияға арызданудан бас тартты, дегенмен тәртіп сақшылары ҚР Қылмыстық кодексінің 293-бабы (бұзақылық) бойынша қылмыстық іс қозғады.
«Төбелеске қатысушылардың барлығына сараптама тағайындалды», – деп қосты полиция департаменті.
Өзге де жаңалықтарды оқу үшін Telegram арнамызға жазылыңыз!