Қазақстанның Сыртқы істер министрлігі Халықаралық қылмыстық соттың Ресей Федерациясының президенті Владимир Путинді тұтқындауға ордер беруіне қатысты түсініктеме берді деп хабарлайды Stan.kz ақпарат агенттігі.
Сыртқы істер министрлігі Владимир Путин Қазақстанға сапарға келер болса, оның қамауға алынбайтынын айтқан.
«Біз Рим статутына қол қойған жоқпыз немесе оны ратификациялаған жоқпыз. Жарғының Қазақстанға қатысы жоқ және ол бойынша біз ешнәрсеге міндеттелмейміз», – дейді Сыртқы істер министрлігінің ресми өкілі Айбек Смадияров.
Еске салайық, 17 наурызда Халықаралық қылмыстық соттың Путинді қамауға алуға ордер бергені белгілі болған. Дүние жүзінде 123 мемлекет Рим статутын ратификациялағанын айта кетейік.
Өзге де жаңалықтарды оқу үшін Telegram арнамызға жазылыңыз!