Облыс әкімі Нұрлыбек Нәлібаев «Orda Glass Ltd» ЖШС шыны зауытының жұмысымен танысты. Бұл туралы облыс әкімінің баспасөз қызметі хабарлады.
2022 жылдың қазан айында ашылған зауыт табақша шыны шығарумен айналысады. Жоба құны – 42,1 млрд. теңге, кәсіпорынның қуаттылығы – жылына 197,1 мың тонна. Мұнда 370 адам тұрақты жұмыспен қамтылған.
Зауыт іске қосылғаннан бері құны 23,9 млрд. теңге болатын 19 млн. шаршы метр шыны өндірілді. Оның 70%-ы ел ішінде сатылды, 30%-ы Ресейге, Өзбекстанға, Қырғызстанға және Тәжікстанға экспортталды.
Аймақ басшысы зауыт жанынан жаңа өндірістер ашу мәселесін пысықтап, өңірге инвесторлар тарту бойынша кешенді шараларды қолға алуды тапсырды.
Өзге де жаңалықтарды оқу үшін Telegram арнамызға жазылыңыз!