Ақтөбеде дүниеге келген үшем осы үш есімді алды.
Мемлекет басшысының есімі қойылған сәбилерді 36 жастағы келіншек экстракорпоралды ұрықтандыру көмегімен өмірге әкелді, деп хабарлады 31 арнаның Информбюро ақпараттық бағдарламасы.
Дәрігерлердің айтуынша, бұл – Ақтөбеде соңғы екі жылда дүниеге келген алғашқы үшем. Балалар анасымен бірге әзірге перинаталдық орталықта дәрігерлердің бақылауында болады.
Үш баланың туғандағы салмағы – 2600, 2100 және 1090 грамм. Дәрігерлер 36 жастағы әйелге «Аңсаған сәби» бағдарламасымен экстракорпоральды ұрықтандыру жасалғанын және келіншекті жоспар бойынша кесарь тілігі арқылы босандырып алғандарын айтып отыр.
«УЗИ-ден үшем деп айтқанда үлкенін Кемел атаймыз деп шештік. Сосын егіздер ер бала деген соң Қасым, Жомарт деп президенттің атын қойдық. «Болашағы жарқын болсын, біздің президент сияқты сауатты болсын» дедік», – деді үшемнің анасы Қарлығаш Жармағамбетова.
Өзге де жаңалықтарды оқу үшін Telegram арнамызға жазылыңыз!