Фото: Tengrinews.kz / Тұрар Қазанғапов
Qazaq Air әуекомпаниясын вьетнамдық SOVICO Group компаниясы сатып алды. Бұл туралы Мемлекет басшысы Қасым-Жомарт Тоқаев пен SOVICO Group басқарма төрағасы Нгуен Тхань Хунгтың кездесуінен кейін белгілі болды, – деп хабарлайды Tengritravel.kz тілшісі.
Кездесу барысында «Самұрық-Қазына» акционерлік қоғамы мен SOVICO компаниялар тобына кіретін Aviation Holdings Company арасында Qazaq Air әуекомпаниясын сатып алу шарттарына қатысты міндет жүктейтін ұсынысқа қол қойылғаны жөнінде хабарланды. Алдын ала жасалған уағдаластықтарға сәйкес инвестор 5 жыл ішінде Boeing 737-Max8 және Airbus A320/321 модельді кемінде 20 ұшақ әкелуді жоспарлап отыр. Сатып алу-сату шартына қол қою және мәмілені аяқтау жұмыстары жақын арада іске асырылмақ.
Қазақстан-Сингапур бизнес форумы аясында Қазақстан Республикасы Көлік министрлігі мен SOVICO Group арасындағы Стратегиялық серіктестік жөніндегі өзара түсіністік туралы меморандумға қол қойылды.
Өзге де жаңалықтарды оқу үшін Telegram арнамызға жазылыңыз!