«Дос – екі денеде өмір сүретін бір жан»,

деп Аристотель қалай әдемі айтқан.

Достық дегеніміз – адамдардың бір-біріне адал, қалтқысыз сеніп, бір мүддеде, ортақ көзқараста болатын қасиеті. Достық өзара жауапкершілік пен қамқорлықтың, рухани жақындықтың белгісі. Нағыз достық кісіге шабыт беріп, өмірде кездесетін түрлі сәтсіздіктерге мойымауға, басқа түскен қайғы мен қиыншылықты бірге көтеруге жәрдемдеседі. Достықтың классикалық анықтамасы да бар, оған сәйкес достық дегеніміз – бұл ортақ мүдделерге, құндылықтарға, әуестікке, сондай-ақ өзара сыйластық пен өзара көмекке негізделген адамдар арасындағы бейқам қарым-қатынас.

Балалық шақта бәріміз жаңа бір нәрсені үйренгіміз келеді, сондықтан адамдармен танысып, достар табу оңайырақ. 30-50 жас аралығында жаңа достар табу өте қиын, сенімсіздік пен басқалармен қарым-қатынас жасамау бар. Бірақ достар біз үшін өте маңызды, біз тек психикалық жағынан ғана емес, сонымен бірге физикалық және психологиялық жағынан да біреуге мұқтаж екенімізді сезінуіміз керек.

Сондықтан жалғызбасты адамдар одан әрі өмір сүргісі келмейді. Бұл өмірде достар қандай ұстаным бойынша таңдалады? Біз көбінесе достарды олардың ішкі әлеміне қарай таңдаймыз. Егер ол біз сияқты болса, қарым-қатынас әлдеқайда жеңілірек. Кейде біз сыныптастарымызбен немесе әріптестерімізбен дос бола бастаймыз, өйткені біз олармен көп сөйлесеміз және көптеген ортақ тақырыптар пайда болады. Жарты күлшенің өзін бөліп жейтін жанқияр достар әманда арға сын болатын әрбір істе адалдық танытады. Көзбен ұғысып, көңілін аулап, мейірлене қарағаны соншалықты ішкі жан-дүниелері тұтастанып, бір-бірімен біте қайнасады.

Шынайы достық әрбір іске ынталы қарауға үйрететін, салиқалы болуға үндейтін нәзік дүние. Үйретіп қана қоймайды, қаласаңыз да, қаламасаңыз да достықтың қасиетті міндеттерін мойныңызға жүктеп, тек достықтың лебімен еріксіз тыныс алуға итермелейді. Достық бос ұстасаңыз, сусып шығып кететін мұзды қылыш екенін ұмытпаған жөн. Адамға өлшеп-пішіп қамшының сабындай бес күндік ғұмыр берілген. Сол ғұмырдың ерен байлығы – шынайы достық.

Дос – қасиетті ұғым. Дос – қамқоршы, көмекші, жанын сала сыйлайтын ең жақын серік, тірек. “Дос табу оңай, ал оны сақтау одан да қиын” деп айтып жатады. Сондықтан нәзік достық қатынасты берік сақтау керек.

Жансая ТІЛЕУ