Қазақстанның Қарулы күштерінде мерзімді әскери қызметін өткерген әскери қызметшілерді запасқа шығару басталды. Тиісті Жарлыққа Мемлекет басшысы биылғы жылдың 4 наурызында қол қойған болатын, деп хабарлайды ҚР ҚМ баспасөз қызметі.

Барлық гарнизондарда әскери қызметшілердің Жауынгерлік тумен қоштасу рәсімдері өту үстінде. Отан алдындағы міндетін абыройлы атқарған сарбаздарға командирлері алғыс айтып, үйлеріне салтанатты түрде шығарып салып жатыр.