Өтінімдерді қабылдау 2023 жылғы 5-15 мамыр аралығында өтеді.
Халықаралық волонтерлер форумына қатысуға өтінім қабылдау басталды. Форум ұйымдастырушылары: Қазақстан Республикасының Ақпарат және қоғамдық даму министрлігі, республикалық волонтерлер фронт-офисі, «Ұлттық волонтерлер желісі» ЗТБ.
Конкурсқа қатысуға белсенді волонтерлерді, волонтерлік жобалардың үйлестірушілері, волонтерлік ұйымдардың, бастамашыл топтардың (18 жастан бастап) басшыларын шақырылады.
Конкурс ережелерімен мына сілтеме арқылы танысып, өтініш беруге болады:
Өтінімдерді қабылдау 2023 жылғы 5-15 мамыр аралығында өтеді.
Байқау қорытындысы 25 мамырдан кейін жарияланады.
Әр өңірден 4 жеңімпаз 20-21 маусымда Астана қаласында өтетін Халықаралық волонтерлер форумына шақырылады.
Бүгінде форум волонтерлер мен волонтерлік ұйымдар үшін ірі халықаралық іс-шаралардың біріне айналған. Онда 30-дан астам шет елдерден, сондай-ақ Қазақстан өңірлерінен бірқатар делегаттар қатысады деп жоспарлануда.
Форумның негізгі мақсаты: Мемлекет басшысы Қ.К.Тоқаевтың Волонтерлерді жұмылдырудың халықаралық жылын өткізу жөніндегі БҰҰ сессиясында айтылған бастамасын ілгерілету.
Толық ақпаратты республикалық фронт-офистің Call орталығы (87787064242) немесе frontoffice.kz@gmail.com электрондық мекенжайға жазу арқылы білуге болады.
Фото: gov.kz
Өзге де жаңалықтарды оқу үшін Telegram арнамызға жазылыңыз!