Вьетнам соты шілде айының басында коронавирус ауруы кезінде оқшаулау ережелерін бұзған 28 жастағы ер адамды бес жылға бас бостандығынан айырып сонымен қоса айыппұл салды, деп хабарлайды Stan.kz ақпарат агенттігі. 

Ле Ван Три сегіз адамға жұқтырғаны үшін кінәлі деп танылды және олардың бірі Covid-19 ауруынан қайтыс болған. Тергеу анықтағандай, ер адам ауырып жүрген сәтінде елдің оңтүстігіндегі Хошимин қаласы мен өзінің туған провинциясына қатынауды тоқтатпаған және арнайы декларацияда жалған ақпаратты көрсеткен. 

Вьетнамдағы пандемияның бір жарым жылында, ресми статистикаға сәйкес, 530 мыңнан астам адам Covid-19-бен ауырып, 13.3 мыңнан астам адам қайтыс болған. Сонымен қатар өлімнің көп бөлігі соңғы бірнеше айда болды.

Ғалымдардың пікірінше, өлімнің күрт өсу себебі аса қауіпті «Дельта» штамының таралуынан болған. Алайда билік статистика көрсеткішінің бұлай нашарлауы көптеген вьетнамдықтардың үкіметтің бұйрықтарын орындауды тоқтатқанына байланысты деп санайды. 

Аурудың көп таралу көрсеткіші елдің ең үлкен Хошимин қаласында байқалады.

 

Өзге де жаңалықтарды оқу үшін Telegram арнамызға жазылыңыз!