16-нан 17 тамызға қараған түні Франция Суперкубогі үшін өткен матчте «Пари Сен-Жермен» күтпеген жерден «Лансқа» есе жіберді, деп хабарлайды Tengri Sport.
Ойын 1:0 есебімен «Ланстың» жеңісімен аяқталды. Айта кетерлігі, оның құрамының құны «ПСЖ-мен» салыстырғанда тоғыз есеге жуық төмен: шамамен 1,4 миллиард еуроға қарсы 187 миллион еуро.
Жалғыз голды 32-минутта Флорьян Товен соқты. «ПСЖ» жасанды офсайд жасау кезінде қателік жіберіп, «Ланс» ойыншылары соны сәтті пайдаланып кетті.
37-минуттан бастап париждіктер басымдықпен ойнады: Антонио қарсыласына қарсы дөрекі ойнағаны үшін тікелей қызыл қағаз алды. Осыдан кейін «ПСЖ» бастаманы өз қолына алғанымен, есепті теңестіре алмады. 87-минутта командалардың құрамы қайта теңесті, Нуну Мендеш қарсыласын қолмен нұқып жібергені үшін алаңнан қуылды.
Айта кетейік, париждіктер сапында барлық көшбасшы алаңға шықты: Кварацхелия, Дуэ және Хакими матчті алғашқы минуттардан бастаса, Дембеле 60-минуттан кейін қосылды.
Матч қорытындысы – 1:0, «Ланс» пайдасына.
Смотреть видео YouTube
«Пари Сен-Жермен» маусымдағы алғашқы трофейін ұтып үлгерді
Еске сала кетейік, «Лансқа» қарсы ойын париждіктер үшін 2026/2027 маусымындағы екінші ресми матч болды. Апта ортасында олар УЕФА Суперкубогі үшін өткен матчте ағылшындық «Астон Вилланы» жеңіп, қатарынан екінші рет осы трофейді иеленген болатын.
Бұдан бөлек, «Пари Сен-Жермен» – Чемпиондар лигасының қазіргі жеңімпазы.
«Лансқа» келетін болсақ, олар Франция Суперкубогын алғаш рет жеңіп алды. Өткен маусымда команда ел чемпионатында күміс жүлдеге ие болған.
Бұған дейін «Барселона» мен Испания құрамасының шабуылшысы Ферран Торрестің ресми түрде француздық «Пари Сен-Жерменге» ауысқаны белгілі болған еді. 26 жастағы шабуылшымен келісімшарт 5 жылға, 2031 жылдың жазына дейін жасалды..
Өзге де жаңалықтарды оқу үшін Telegram арнамызға жазылыңыз!