Jas Otan ЖҚ Қызылорда облыстық филиалының төрағасы болып Жорабек Медет Ерданаұлы сайланды.

Nur Otan партиясы жанындағы Jas Otan ЖҚ Қызылорда облыстық филиалының кезектен тыс ХVІ конференциясы корона­вирус пандемиясына байланысты онлайн режимде өтті. Күн тәртібінің екінші мәселесі бойынша конференцияға қатысушылар Jas Otan ЖҚ ҚОФ төрағасы лауазымына осыған дейін ұсынылған Жорабек Медет Ерданаұлының кандидатурасын бірауыздан мақұлдады.

Медет Ерданаұлы Қорқыт Ата атындағы Қызыл­орда университетінің «Мемлекеттік және жергілікті басқару» мамандығы бойынша білім алған. Осыған дейін жергілікті жастар саясатын жүзеге асыру бағытында жастар ұйымдарының жетекшісі қызметінде және Қызылорда қалалық «Жастар ресурстық ор­талығы» КММ-де кеңесші қызметін атқар­ған.

Бейнеконференция жұмысына Nur Otan партиясы Қызылорда облыстық фи­лиалы төрағасының орынбасары А.Жа­рыл­қасынов, Jas Otan ЖҚ төрағасы Н.Жетпісбаев, облыстық кеңес мүшелері, жергілікті жастар саясаты мәселелері бойынша жауапты мемлекет орган өкілдері және аумақтық бөлімше басшылары қа­тыс­ты.

Конференцияның қарауына ұсыныл­ған бірінші мәселе бойынша Jas Otan ЖҚ ҚОФ төрағасы міндетін атқарушы А.Қа­һарманова жыл бойына атқарған жұмы­сына баяндама жасады.

 

Өзге де жаңалықтарды оқу үшін Telegram арнамызға жазылыңыз!