Аikyn.kz. Алдағы уақытта еліміздің барлық өңірінде туристік полиция бөлімдері пайда болады. Бұл туралы ІІМ Ержан Сәденов мәлімдеді.
Биыл туристік полицейлер 5 мыңнан астам азаматқа көмек көрсетті. Олардың міндеті – шетелден келген меймандардың жайлығы мен қауіпсіздігін қамтамасыз ету.
Қазір 12 өңірдегі 30-дан астам туристік нысанда туристік полиция қызмет көрсетеді. Биыл оларға 5000-ға тарта азамат жүгінді. Елордадағы көрікті орындар аумағында туристік полиция қызмет көрсететін 4 стационарлық бекет бар.
Тәртіп сақшылары шетелдік туристердің қауіпсіздігін де қамтамасыз етеді. Нысандарда бейнебақылау камералары мен дабыл түймелері орнатылған. Сондай-ақ туристік полиция қызметкерлері 2,5 мыңға жуық қоғамдық тәртіпті бұзу деректерін тіркеді.
Өзге де жаңалықтарды оқу үшін Telegram арнамызға жазылыңыз!