Пәкістанд Статистика бюросының мәліметінше елдегі инфляция шілдеде бір жылмен салыстырғанда 24,93 пайызға өсті, деп хабарлайды ҚазАқпарат India Blooms News Service сайтына сілтеме жасап.

Елдегі инфляция соңғы 14 жылдағы ең жоғары деңгейге жетті. Соңғы рет 2008 жылдың қарашасында бағалар қарқынды өсті, ондағы тұтыну бағасының индексі 24,3 пайызды құрады. Содан бері индекс кейбір ерекшеліктерді қоспағанда, негізінен 15 пайыздан төмен болып қалды.

Статистикалық мәліметтер бойынша, жалпы инфляцияның күрт өсу көрсеткіштері мамырда 13,8 пайызды, ал маусымда – 21,3 пайызды құрады. Құжатта инфляцияның жоғары болуы азық-түлік және азық-түлік емес тауарлардың, оның ішінде өсімдік майы, көкөніс, бұршақ дақылдары, бидай, күріш, сүт, электр энергиясы ақысы, мотор отыны, құрылыс материалдары мен автокөлік аксессуарлары бағасының өсуімен байланысты екені айтылған.