Үндістанда белгісіз ауру өршіп тұр. Үш күн ішінде елдің оңтүстігіндегі Андхра-Прадеш штатының Элуру қаласында вирус жұқтырған 500-ге жуық адам ауруханаға жеткізілді. Вирустан бір адам қайтыс болды, деп хабарлады TACC.
Элуру қаласындағы үкіметтік аурухананың басшысы, доктор Мохан журналистерге бүгін таңертең стационарларда 140-қа жуық адам қалғанын айтты.
«Дүйсенбі кешке ауруханаға 476 адам жеткізілді, оның 332-сі үйлеріне жіберілді. 125 науқас біздің стационарда емделіп жатыр, тағы 18 адам Виджаяваде және Гунтуреде ауруханада жатыр», — деп келтіреді Моханның сөздерін Times of India газеті.
Бірқатар БАҚ таратқан мәліметке қарағанда, демалыс күндері Элуруда және оның маңындағы елдімекендерде 800-ден астам адам өздерін нашар сезініп, ауруханаға жүгінген, алайда бәріне бірдей медициналық көмек қажет болған жоқ.
Өзге де жаңалықтарды оқу үшін Telegram арнамызға жазылыңыз!