Медицина бойынша 2021 жылғы Нобель сый­лығы Дэвид Джулиус пен Ардем Патапутянға бұйырды. Хабарландыру трансляциясы сый­лықтың Twitter-дегі ресми аккаунтында көрсетілді.

Джулиус – Сан-Францискодағы Калифорния универ­ситетінде жұмыс істейді, физиолог. Ол ментол, қыша майы мен капсаицинге әрекет ететін рецепторларды зерттеуші ретінде белгілі.

Патапутян – Скриппс ғылыми-зерттеу институтының биологы. Ол температураға, ұстағанға және торлар көлемінің үлкеюіне белсене түсетін иондық каналдар мен рецепторларлы зерттеумен айналысады. Сыйлық иегерлеріне 10 млн крон, яғни 1,5 млн доллар берілді.