Алматы облысы Қарасай ауданы Елтай ауылдық округінде бүтін бір отбасы, алдын ала болжам бойынша, тамақтан уланып көз жұмған. Бұл туралы Stan.kz ақпарат агенттігі хабарлайды.
Қайғылы оқиға 4 мамырда болған. Қазір оқиғаның мән-жайы анықталып жатыр.
«Елтай ауылдық округінде жеке тұрғын үйде 6 адам – 2 ересек және 4 бала белгісіз затпен уланғаны туралы хабар келіп түсті. Салдарынан 1984 жылғы ер адам (әкесі) және төрт бала (2010 жылғы қызы және 2008, 2013, 2018 жылғы ұлдары) қайтыс болды. 1985 жылғы әйел (анасы) Шамалған ауылындағы Қарасай көпсалалы ауданаралық ауруханасына жатқызылды. Жағдайы ауыр, жансақтау бөлімінде «, – дейді полиция өкілдері.
Sputnik Қазақстан басылымының мәліметінше қайғылы оқиғаның алдын ала себептердің бірі – тамақтан улану.
Үй екі қабатты, пеш табиғи газбен жылытылады. Дегенмен едендік газ пешін тексеру барысында газдың ағуы анықталмапты, пеш жарамды күйде екен.
Өзге де жаңалықтарды оқу үшін Telegram арнамызға жазылыңыз!