Күдікті ұсталып, уақытша ұстау изоляторына қамауға алынды.
Қызылордада сауда орталығының алдында ер адамды пышақтады деген күдікті ұсталды, – деп хабарлайды Polisia.kz сайты.
Қызылорда қаласының полицейлеріне белгісіз адамның сауда орталығының маңында бір ер адамды пышақтап, оқиға орнынан қашып кеткені туралы хабарлама келіп түскен.
«Жедел басқару орталығының бейнебақылау камераларының көмегімен қала көшелерінің бірінде күдікті азаматтың басқаруындағы автокөлік тоқтатылды. Көліктен айғақ заттар алынды. Айта кетерлігі, күдікке ілінген азамат көлігінің мемлекеттік нөмірлерін алдын ала шешіп алған», – делінген мәліметте.
Күдікті ұсталып, уақытша ұстау изоляторына қамауға алынды.
Аталған дерек бойынша ҚР ҚК-нің 106-бабының 1-бөлігімен сотқа дейінгі тергеп-тексеру әрекеттері жүргізіліп жатыр. Полицейлер оқиғаның мән-жайын анықтап жатыр.
Өзге де жаңалықтарды оқу үшін Telegram арнамызға жазылыңыз!