Бұйрық 28 сәуірде тіркеліп, 7 мамырда күшіне енді.
Президенттің Алматыдағы резиденциясы тарих және мәдениет ескерткіштерінің мемлекеттік тізімінен ресми түрде алынып тасталды. Бұйрық 28 сәуірде тіркеліп, 7 мамырда күшіне енді, деп хабарлайды inbusiness.kz.
«… Республикалық маңызы бар тарих және мәдениет ескерткіштерінің мемлекеттік тізімінде: реттік нөмірі 31-жол алынып тасталсын», – делінген құжатта.
31-нөмірімен Алматыдағы резиденция тіркелген. Ғимаратты қаңтар оқиғасы кезінде наразылар қиратқан.
2 наурызда президент Қасым-Жомарт Тоқаев нысанды бұзуды тапсырған.
Сәуірдің басында оны бұзуға үкімет 6 млрд теңге қаражат бөлетінін хабарлады.
Жалпы қаңтар оқиғасы кезіндегі тәртіпсіздіктер салдарынан қираған ғимараттарды қалпына келтіруге 31 млрд теңге қарастырылған.
Фотосурет: SN.kz
Өзге де жаңалықтарды оқу үшін Telegram арнамызға жазылыңыз!