Фото: видеодан алынған скрин
Алматыда қару мен оқ жасырылған орын анықталды, деп жазады KAZINFORM.
Қалалық полиция департаментінің мәліметінше, Түрксіб ауданында қараусыз қалған ғимараттың маңынан күдікті қап табылған. Оқиға орнына дереу жедел-тергеу тобы келген.
Қаптың ішінен сыртқы белгілері ойық ұңғылы «Сайга» карабініне және тапаншаға ұқсас заттар, сондай-ақ оқ-дәрілер – карабинге арналған 10 патрон және тапаншаға арналған 4 патрон табылды.
–Табылған заттардың барлығы тәркіленіп, сот-баллистикалық сараптамаға жіберілді. Полиция қызметкерлері қарудың шығу тегін, табылған арсеналдың қандай да бір қылмыста пайдаланылған-пайдаланылмағанын және қауіпті қару-жарақтың қандай жағдайда тасталғанын анықтауы тиіс. Қазіргі уақытта кешенді жедел-тергеу іс-шаралары жүргізіліп жатыр, – деп хабарлады департаменттен.
Өзге де жаңалықтарды оқу үшін Telegram арнамызға жазылыңыз!