«Ел халқының саны 2022 жылғы 1 қыркүйекте 19 млн 666,8 мың адамды құрады, оның ішінде қалалықтар – 12 млн 131,1 мың (61,7 пайыз), ауылдықтар – 7 млн 535,7 мың (38,3 пайыз) адамды құрады. 2022 жылдың басымен салыстырғанда халық саны 163,7 мың адамға немесе 0,8 пайызға өсті», – делінген хабарламада.
2022 жылғы қаңтар-тамызда республика халқының табиғи өсімі 2021 жылғы қаңтар-тамызбен салыстырғанда (178,9 мың адам) 3,6 пайызға төмендеп, 172,4 мың адамды құрады. 1000 халыққа шаққандағы табиғи өсімнің жалпы көрсеткіші 13,19 құрады.
2022 жылғы қаңтар-тамызда туылғандар саны 263,8 мың адамды құрады, бұл 2021 жылдың сәйкес кезеңімен салыстырғанда (296,5 мың адам) 11 пайызға аз. 1000 адамға шаққандағы туудың жалпы коэффициенті 20,19 туылды.
«Қарастырылып отырған кезеңде қайтыс болғандар саны 91,4 мың адамды құрады, бұл 2021 жылдың қаңтар-тамызымен салыстырғанда (117,6 мың адам) 22,3 пайызға аз. Жалпы өлім көрсеткіші 1000 адамға шаққанда 7 өлімді құрады.
2022 жылғы қаңтар-тамызда республикада бір жасқа дейінгі 2208 қайтыс болған нәресте тіркеліп, 2021 жылдың сәйкес кезеңімен салыстырғанда (2345 қайтыс болған нәресте) 5,8 пайызға азайды. Нәресте өлімі 1000 туылғанға шаққанда 8,37 жағдайды құрады», – деп хабарлады статистика бюросы.
2022 жылғы қаңтар-тамызда республикаға келгендер саны 9595 адамды, елден кеткендер саны – 18 275 адамды, көші-қон сальдосы 8680 адамды құрады.
Еліміздің негізгі көші-қон алмасуы ТМД елдерімен жүзеге асады. ТМД елдерінен келгендер үлесі 84,4 пайызды, кеткендер – 85,1 пайызды құрады.
Ел ішінде қоныс аударған мигранттар саны 2,1 пайызға азайған. Өңіраралық қозғалыстар бойынша еліміздің үш қаласында: Алматыда (24 711 адам), Астанада (22 960 адам) және Шымкентте (2154 адам) халық көші-қонының оң сальдосы қалыптасты.
Өзге де жаңалықтарды оқу үшін Telegram арнамызға жазылыңыз!