Фото: Pexels.com
Samsung онжылдықта нарықта үш миллиардқа жуық смартфон шығарып, басқа өндірушілерді басып озғанын жариялады. Бұл туралы Stan.kz ақпарат агенттігі Altindex басылымына сілтеме жасап хабарлайды.
Сарапшылар кейінгі он жылдағы International Data Corporation (IDC) деректерін жинап, әлемдегі ең ірі смартфон өндірушісін атады. Ол – Samsung компаниясы. 2014 жылдан бері оңтүстік кореялық корпорация нарыққа 2,937 миллиард смартфон жөнелтті. Екінші орынды 2,203 миллиард iPhone шығарған Apple тізгіндеді.
Төменде қытайлық компаниялар: Xiaomi – 1,147 миллиард бірлік, Huawei – 1,057 миллиард, Oppo – 911,9 миллион, Vivo – 526,6 миллион. Сарапшылардың пікірінше, Samsung компаниясы Apple-ге және Xiaomi, Huawei және Vivo-дан қарағанда 33% көп құрылғыны шығарып сатқан.
Баяндама авторлары 2015 жылды Samsung үшін ең табысты жыл деп айтады. Ол кезде корпорация ритейлерлерге 320,9 миллион телефон жөнелтті. 2023 жылға қарай бұл көрсеткіш 286,6 миллион бірлікке дейін төмендеді. Apple 2021 жылы ең көп құрылғыларды 234,9 миллион гаджетпен сатты.
Қорытындылай келе, Altindex Samsung табысына қарамастан, оның нарықтағы үлесі он жыл ішінде 10% төмендегенін, ал Apple үлесі осы кезеңде 2% өскенін атап өтті.
Мамыр айының басында Counterpoint Research сарапшылары әлемдік смартфон нарығындағы 2024 жылдың бірінші тоқсанының нәтижесі туралы айтты. Осылайша, ең көп сатылған телефон iPhone 15 Pro Max болды.
Өзге де жаңалықтарды оқу үшін Telegram арнамызға жазылыңыз!