Кеше ғана Түркияның Қаһраманмараш қаласында тігіле бастаған қазақтың киіз үйлерінің қажет емес екені айтылды, деп хабарлайды Bugin.kz порталы halyq-uni.kz сайтына сілтеме жасап.
Түркияда жүрген отандасымыз 3-4 күн бұрын ғана елден қаржы жинап сатып алып, кеше Түркияның апатты аймағында тігіле бастаған киіз үйлердің керек емес екенін айтты. Көмектесуші еріктілер қатарында жүрген ол киіз үй орнына экскаватор алу қажеттігін мәлімдеді.
Оның айтуынша, үйінді астында қалған адамдарды құтқаруға адам саны жетіспей жатқан көрінеді.
«Қазақстаннан киіз үй келеді деп жатыр. Керек емес ол. Көзбояушылық. Сол 100 млн теңгеге 200 қазақты жіберген дұрыс. Ол киіз үйді әкеледі, ұшаққа ақша төлейді. Мынадай палаткалар бар. Мұндағылар киіз үйді құра ма, әлде тірі адамдарды құтқара ма? Киіз үйден гөрі экскаватор керек болып жатыр мұнда», — дейді Түркияда зілзала болған аумақта көмектесіп жүрген отандасымыз.
Өзге де жаңалықтарды оқу үшін Telegram арнамызға жазылыңыз!