Фото: newsroom.kz
Бүгін — халықаралық Чернобыль апатының құрбандарын еске алу күні, деп хабарлайды «Адырна» тілшісі.
Осыдан 38 жыл бұрын, 1986 жылдың 26 сәуірінде Чернобыль атом электр стансасында жарылыс болып, оның салдары мыңдаған адамның өмірін жалмаған еді. ЧАЭС атомдық реакторы толығымен бүлініп, қоршаған ортаға радиоактивті заттар тарады. Бұл зобалаңның зардаптарын жоюға Кеңес Одағының түкпір-түкпірінен 600 мыңдай адам тартылды. Ал Қазақстаннан 30 мыңнан астам адам барған болатын. Қазіргі таңда олардың шамамен 6 мыңға жуығының көзі тірі.
Бұған дейін «Адырна» тілшісі Чернобыльдағы атом апатының зардабын жоюға қатысқандардың бірі, Райымбек ауданы Чернобыль апаты ардагерлерінің төрағасы Берік Сыдықовпен тілдескен еді. Ардагер апатқа қиған денсаулығын қайта қалпына келтіре алмайтынына қапалы екенін жеткізді.
Өзге де жаңалықтарды оқу үшін Telegram арнамызға жазылыңыз!