Бұл туралы ІІМ мәлім етті, деп хабарлайды Ulysmedia.kz
Полиция мәліметінше, 30 Қаңтарда Ақтөбе маңындағы Заречный-2 ауылындағы үйлердің бірінде ұрлық жасалды. Белгісіз адам үйге кіріп, жатын бөлмеден 340 мың теңге, екі ноутбук, күзен тон және алтын алқаны ұрлап кетті. Жәбірленуші залалды 4,1 млн теңгеге бағалады.
Көп ұзамай полицейлер жәбірленушінің 35 жастағы жүргізушісін ұстады. Күдікті өз ісін мойындады және ұрланған заттарды ломбардқа өткізіп жібергенін айтты. Заттай дәлелдемелер тәркіленді.
ҚР ҚК-нің 188-бабы 3-бөлігі «Ұрлық» бойынша сотқа дейінгі тергеу жүргізіліп жатыр.
Өзге де жаңалықтарды оқу үшін Telegram арнамызға жазылыңыз!