Мемлекет басшысы Қасым-Жомарт Тоқаев «Digital Almaty – 2021» форумына қатысушыларға бейнеүндеу жасады.
Бұл туралы Президенттің баспасөз хатшысы Берік Уәли Facebook-тағы парақшасында жазды.
Аталған шараға ЕАЭО үкіметтерінің басшылары, Еуразиялық комиссия және ТМД атқару комитетінің жетекшілері, сонымен қатар, цифрландыру саласының сарапшылары мен мамандары қатысып жатыр.
Қазақстан Президенті пандемиядан кейінгі кезеңдегі цифрландыру мәселесі жайындағы ойымен бөлісті.
«Болашақ – технологиялар мен инновациялардың еншісінде екенін жақсы түсінеміз», – деді Қасым-Жомарт Тоқаев.
Мемлекет басшысы Қазақстанда жасанды интеллект технологияларын және ауқымды деректерді талдауды дамыту туралы айтты.
Бұдан бөлек Президент ЕАЭО елдерінің цифрлық ынтымақтастығы бойынша бірқатар өзекті бағыттарды атап өтті.
Өзге де жаңалықтарды оқу үшін Telegram арнамызға жазылыңыз!