Қазақстан ерлер құрамасы хоккейден Польшаның Сосновец қаласында өтіп жатқан IА дивизионындағы әлем чемпионатында сәтті өнер көрсетті, – деп хабарлайды Massaget.kz тілшісі ҰОК-қа сілтеме жасап.
Үшінші матчта ұлттық құрама Польша хоккейшілерінен басым түсті.
Кездесудің алғашқы минуттарында алаң иелері есеп ашты. Екінші кезеңде қос команда да шайба соға алған жоқ. Үшінші кезеңнің ортасында Батырлан Мұратов таразы басын теңестірді.
Матчтың соңына қарай Семен Симонов Қазақстан құрамасын алға шығарды. Ал Кирилл Савицкий бос қақпаға шайба соғып, есепті 3:1-ге жеткізді. Ойынның аяқталуына санаулы секунд қалғанда Польша спортшылары бір шайбаның есесін қайтарды. Қорытынды есеп – 3:2.
Осылайша Қазақстан құрамасы қатарынан үшінші жеңісіне қол жеткізді. Бұған дейін хоккейшілер Жапония мен Литва құрамаларын жеңген болатын.
Өзге де жаңалықтарды оқу үшін Telegram арнамызға жазылыңыз!