SMARTNEWS.KZ басылымының хабарлауынша, Конго Демократиялық Республикасында Эбола вирусының жаңа өршуі күшейіп, қаза тапқандар саны 100 адамнан асты. Соңғы деректерге сәйкес, елде жағдай ушығып, жұқтыру көрсеткіші де тұрақты түрде өсіп отыр.
Лабораториялық түрде расталған мәлімет бойынша, Эбола инфекциясынан қайтыс болғандар саны 101 адамға жетті. Ал қазіргі өршу кезінде тіркелген жалпы жұқтыру жағдайлары 550-ге дейін артқан.
Бұған дейінгі мәліметтерде 91 адамның көз жұмғаны және 515 науқастың тіркелгені хабарланған еді. Осылайша, бір тәулік ішінде өлім-жітім мен инфекция көрсеткіші айтарлықтай өскен.
Жағдайдың ушығуына байланысты елге шетелдік медициналық мамандар тартылып отыр. Мамандар вирустың таралуын бақылауға алу және науқастарға жедел көмек көрсету бағытында жұмыс жүргізуде.
Бұған дейін Дүниежүзілік денсаулық сақтау ұйымы Конгода Эбола жұқтыруының 900-ден астам ықтимал жағдайы тіркелгенін мәлімдеген. Қазіргі таңда эпидемиологиялық ахуал халықаралық бақылауда.
Өзге де жаңалықтарды оқу үшін Telegram арнамызға жазылыңыз!