ҚР Оқу-ағарту экс-министрі Асхат Аймағамбетов қызметтен босатылғанын сол күні білген. Бұл туралы ол Нартай Аралбайұлына берген сұхбатында айтты, деп хабарлайды qaz365.kz тілшісі.
Журналисттің “Отставкаға кететініңізді қашан білдіңіз?“ деген сұрағына келесідей жауап берді.
“4 қаңтар таңертең әріптестерімді жинап, 2023 жылы назар аударатын басты мәселелерге тоқталып, жиналыс өткіздік. Қызметтен босатылатынымды ресми сол күні білдім. Түске дейін ақпарат келді. Түстен кейін әріптестеріммен қоштасып, заттарымды жинастырып, үйге қайттым. Бұл – саяси қызмет. Қызметтен кету туралы билік алдын-ала ескертудің қажеті жоқ. Саяси қызметкерлер осындай жедел шешімдерге дайын болуы керек”, – деп жауап берді ол.
Асхат Аймағамбетов 2022 жылдың 11 маусымынан бері Оқу-ағарту министрі қызметін атқарды.
Экс-министр 1982 жылы 14 маусымда Қарағанды облысында дүниеге келген. 2003 жылы Е. Букетов атаныдағы ҚарМУ-ді «Тарихшы, тарих мұғалімі» мамандығы бойынша бітірген.
4 қаңтар күні Президент Жарлығымен Асхат Аймағамбетов Қазақстан Республикасының Оқу-ағарту министрі лауазымынан босатылғаннын жазған болатынбыз.
Өзге де жаңалықтарды оқу үшін Telegram арнамызға жазылыңыз!