Біздің балаларымыз басқа елдермен салыстырғанда күніне 4 сағат емес, 6-7 сабақ оқиды.
Ата-аналар оқу жылын ұзартуға қарсы петиция әзірлеуге кірісті. Бұл туралы мәжіліс депутаты Ирина Смирнова мәлімдеді, деп хабарлайды Sputnik Қазақстан тілшісі.
Депутаттың айтуынша, оқу жылын ұзарту – бұл волюнтаристік әкімшілік шешім.
«Мен өзім мұғаліммін, сондықтан білім саласындағы сарапшы ретінде бұны кәсіби шешім деп айта алмаймын. Оның негізінде ешқандай ғылыми негіз жоқ. Біздің балаларымыз басқа елдермен салыстырғанда күніне 4 сағат емес, 6-7 сабақ оқиды. Ал сабақтардың санын есептесек, оның көлемі шетелдегі оқу жылының ұзақтығына толығымен сәйкес келеді», – деді Смиронова журналистерге берген сұхбатында.
Осы орайда депутат балалардың жазда демалатын уақытын есепке алмау қажеттігін ерекше атап өтті. Себебі шетелде оқушылар қыста да айлап демалады.
«Шетелдің оқушылары жылдың басқа уақытында тағы демалуы мүмкін. Ал бізді жаңылыстырып жатыр, дұрыс шешім қабылдадық деп сендіріп отыр. Бұл қате шешім болды. Біз оны талай рет айттық. Бірақ ол шешімді оқу-ағарту министрлігі қабылдауы қажет. Қазір ата-аналар петиция дайындап жатыр. Оның әсері болады деген сенімдемін», – деп атап көрсетті Смирнова.
© Photo : Sputnik.kz
Өзге де жаңалықтарды оқу үшін Telegram арнамызға жазылыңыз!