Денсаулық сақтау министрі Алексей Цой «омикрон» штамы ел ішінде жаппай таралса, тиісті шаралар қабылданатынын айтты, деп хабарлайды Stan.kz ақпарат агенттігі.
Мәжіліс кулуарында журналистер Цойдан Ресейде коронавирустың «омикрон» штамы табылуына байланысты көрші елмен шекара жабыла ма деп сұрады.
Министр бұл бірлі-жарым жағдай екенін атап өтті. Қазір Қазақстан көрші елде «омикрон» қаншалықты таралатынын бақылап отыр. Мониторинг жүргізуде.
«Осыған ұқсас лямбда, басқа да штамдар бүкіл әлемде белсенді таралды. Барлық дерлік елде пайда болды. Сондықтан бұл жерде штамның көршімізде анықталғанына мұқият қарау керек. Бірақ әзірге біз бақылап отырмыз, ресейлік әріптестермен байланыстамыз. Егер бұл штамм ел ішінде жаппай таралса, әрине, тиісті шаралар қабылданады»,- деп жауап берді Цой.
Өзге де жаңалықтарды оқу үшін Telegram арнамызға жазылыңыз!