Фото: Midjourney нейрожелісі арқылы жасалған
TikTok әлеуметтік желісінде Алматыдағы Esentai Mall маңында тұратын жігіттерге қатысты қауесет тарап жатыр. Қолданушылардың айтуынша, ауқатты әйелдермен танысқысы келетін жастар осы орында жиналады, – деп хабарлайды Tengrinews.kz тілшісі.
Бұл ретте мұндай жігіттерді анықтау белгісі қолдарындағы газдалған сусын деген болжам бар.
Бұл тақырып алматылықтар арасында дүрбелең тудырды. Бұл «жастар тренді» біреулерге зиянсыз болып көрінсе, енді біреулер сауда орталығына барып төбелес шығармақ болған. Бір күн бұрын полицейлер тіпті Esentai Mall маңында қолында пепси ұстаған жігіттердің біріне травматикалық тапанша кезенген адамды ұстауға мәжбүр болған.
Бұл тақырып төңірегіндегі толқуларға Алматы полициясы жауап берді. Esentai Mall маңында алдын алу жұмыстары жүргізіліп жатқаны айтылды.
«Заңсыз әрекеттердің алдын алу мақсатында жергілікті полиция қызметінің қызметкерлері аталған учаскеде профилактикалық іс-шаралар, оның ішінде жастар арасында құқықтық түсіндіру жұмыстары жүргізіліп жатыр», – деді Алматы ПД ресми өкілі Салтанат Әзірбек.
Өзге де жаңалықтарды оқу үшін Telegram арнамызға жазылыңыз!