Фото: Sputnik / Максим Богодвид

Sputnik. 2024 жылдың 1 сәуіріндегі жағдай бойынша Қазақстанда жергілікті атқарушы органдардың рұқсатымен 13 536 шетелдік азамат жұмыс істейді, деп хабарлады Еңбек және халықты әлеуметтік қорғау министрлігі.

Ол жұмысшылар мынандай санаттарға бөлінеді:

  • басшылар мен олардың орынбасарлары (бірінші санат) – 605 адам;
  • құрылымдық бөлімшелердің басшылары (екінші санат) – 2 793 адам;
  • мамандар (үшінші санат) – 5 914 адам;
  • білікті жұмысшылар (төртінші санат) – 570 адам;
  • маусымдық жұмысшылар – 2458 адам, ал корпоративтік ауысу аясында – 1196 адам.

Қазіргі уақытта Қазақстанда 1728 жұмыс беруші шетелдік жұмыс күшін пайдаланады. Оларда 459 мыңнан астам қазақстандық жұмыс істейді, бұл жалпы жұмысшылар санының 99,2%-ын құрайды.

Экономикалық қызмет түрлері бойынша ең көп шетелдік азамат мына салаларда жұмыс істейді:

  • құрылыс – 4297 адам (31,7%);
  • әкімшілік және қосалқы қызметтер – 1629 адам (12%);
  • ауыл, орман және балық шаруашылығы – 1482 адам (10,9%);
  • тау-кен өнеркәсібі және карьерлерді қазу – 1285 адам (9,4%);
  • өңдеуші өнеркәсіп – 1248 адам (9,2%);
  • кәсіптік, ғылыми және техникалық қызмет – 797 адам (5,9%).

Қазақстанға еңбек мигранттары негізінен мына елдерден келеді:

  • Қытай – 4011 адам (29,6%),
  • Өзбекстан – 1577 адам (11,6%),
  • Үндістан – 1187 адам (8,7%),
  • Түркия – 1058 адам (7,8%).

Еңбек және халықты әлеуметтік қорғау министрлігі ішкі еңбек нарығын қорғау мақсатында жыл сайын республикаға шетелдік мамандарды тартуға квота белгіленіп, бөлінетінін еске салды.

2024 жылы жалпы квота республикадағы жұмыс күшіне қатысты 0,23% немесе 22 мың бірлік мөлшерінде белгіленді.

 

Өзге де жаңалықтарды оқу үшін Telegram арнамызға жазылыңыз!