Қазақстандық кәсіпқой боксшы комадан шыққан соң мәлімдеме жасап, жанкүйерлеріне алғысын жеткізді, деп хабарлайды Stan.kz ақпарат агенттігі. 

Соңғы кездесуде Ербосынұлы жарақат алып, комаға түскен еді. Әлеуметтік желідегі парақшасында ол жанкүйерлерінің хаттарын жариялап, мәлімдеме жасады. 

«Осыған ұқсас смстер өте көп келген екен, барша қолдап жатқан халқыма рахмет. Алла жазса мықты болып ораларым сөзсіз. Алла жазса әлі алар асуымыз алда», – деп жазды ол.

Еске салайық, Айдос Ербосынұлы 6 қарашада кубалық Давид Моррельмен жұдырықтасқан еді. Алайда 12-раундта нокаутпен есе жіберген. Кездесуден кейін қазақстандық спортшыға ота жасалып, жасанды комаға жатқызылды.