Қазақстанда табысы күнкөрісінен артылмайтындардың саны азаймай отыр. Оған дәлел, ай соңында шағын несие алуға өтініш саны 10-15%-ға көбейеді. Бұл туралы Aikyn.kz Inbusiness.kz-ке сілтеме жасап хабарлайды.

Zaimer.kz қысқамерзімді онлайн несие қызметінің талдау орталығы сарапшыларының айтуынша, әр айдың соңында шағын несие алуға өтініштер саны орта есеппен 10-15%-ға артады.

Зерттеу нәтижесінде, соңғы екі жылда сұраныс ай соңында, 17-19 наурыз қарсаңында жоғарылаған.

Қараша мен желтоқсанда өтініштер саны 20%-ға артқан. Ал қаңтарда шағын несиеге сұраныс орташа деңгейден 5-10%-ға төмендеді.

Ақпан айында қысқамерзімді шағын несие алуға өтініштер саны 1,5%-ға өсті. Орташа сұралған сома – 93,5 мың теңгеден 98,3 мың теңгеге көтерілді.

Жыл басынан бері шағын несие алуға өтініш білдіргендердің арасында ер адамдардың үлесі – 60%, олардың интернеттегі белсенділігі одан да жоғары – 65%.

Бұған дейін банкроттыққа өтінім берудің тәртібі туралы жазған болатынбыз.

 

Өзге де жаңалықтарды оқу үшін Telegram арнамызға жазылыңыз!