Атырау облысы әкімінің бұрынғы орынбасары Бақыткүл Хаменоваға қатысты кезекті сот отырысы өтті, деп хабарлайды Экспресс К.
Аtpress.kz сайтының мәліметінше, кезекті сот отырысындағы жарыссөз кезінде Рысқалиев бұған дейін келтірген айғағын антикор қызметкерлерінің нұсқауымен айтқанын баяндаған.
Олардың айтқанын жасап, соңына дейін әрекет етсем, куә болып қалатынымды және ешқандай жауапкершілікке тартылмайтыныма сендірді. Сондықтан, солардың нұсқауымен әрекет еттім. Шындығында Адамовтан алған ақша пара емес, демеушілік қаржы болатын,
— дейді ол.
Естеріңізге сала кетейік, былтыр желтоқсан айында Атырау облысы әкімінің орынбасары Бақытгүл Хаменова мен облыстық мәдениет басқармасының басшысы Ақылбек Рысқалиев ұсталған болатын. Олар Абай ескерткішін орнатуға мемлекеттік сатып алу шартын жасағаны үшін 4,5 миллион теңге пара алды деген күдікке ілінді. Бас кезінде Хаменованы үй қамаққа алған. Бірақ 22 желтоқсанда екі айға қамауға алуға санкция берілді. Оның ісі Атыраудағы №2 қалалық сотта қаралып жатыр.
Өзге де жаңалықтарды оқу үшін Telegram арнамызға жазылыңыз!