Фото: ашық дереккөзден

Жапониядағы Цукуба университетінің неврологтары ми жұмысын тез жақсартатын қызық әдісті айтты. Бұл туралы Stan.kz ақпарат агенттігі Gazeta.Ru-ға порталына сілтеме жасап хабарлайды.

Мамандар 18 бен 26 жас аралығындағы 48 еріктіге зерттеу жүгізді. Экспериментке қатысушылар кардио жаттығуларын орындау кезінде ырғақты музыканы тыңдады. Осы сәтте арнайы құрылғылар арқылы зерттелушілердің миының белсенділігі бақыланды.

Анықталғандай, мұндай музыка мидың префронтальды қыртысын ынталандырады. Бұл когнитивтік функцияларды – есте сақтауды, зейінді, ақпаратты қабылдау және өңдеу қабілетін жақсартуға көмектеседі. Оң нәтиже музыкаға билеуден кейін үш минуттан соң пайда болатыны атап өтілді. Ырғақты қимыл мидың жұмысын үш минутта жақсартады.

Ақыл-ой қабілеттеріне жағымды әсер ету міндетті түрде дене қимылдарын музыкамен үндестіру салдары болуы керек екендігі атап өтіледі. Бұл жағдайда сіз кез келген аэробика, секіру сынды түрлі жаттығуларды таңдай аласыз.

 

Өзге де жаңалықтарды оқу үшін Telegram арнамызға жазылыңыз!